ຄະຫະບໍດີບຸດ ! ກຸລະບຸດຄວນປະຕິບັດຕໍ່ມິດຜູ້ເປັນທິດເບື້ອງຊ້າຍໂດຍສະຖານະ 5 ຄື: 1.ດ້ວຍການໃຫ້ ການແບ່ງປັນ  2.ດ້ວຍການເຈຣະຈາດ້ວຍຖ້ອຍຄຳທີ່ໜ້າຮັກ  3.ດ້ວຍການປະພຶດປະໂຫຍດ  4.ດ້ວຍການເປັນຜູ້ມີຕົນສະເໝີ  5.ດ້ວຍການບໍ່ແກ້ງກ່າວໃຫ້ຄາດເຄື້ອນຈາກຄວາມຈິງ  ຄະຫະບໍດີບຸດ ! ມິດສະຫາຍຜູ້ເປັນທິດເບື້ອງຊ້າຍອັນກຸລະບຸດປະຕິບັດໂດຍສະຖານະ 5 ເຫລົ່ານີ້ແລ້ວ ຍ່ອມອະນຸເຄາະກຸລະບຸດໂດຍສະຖານະ 5 ເຫລົ່ານີ້ຄື: 1.ຮັກສາມິດຜູ້ປະໝາດແລ້ວ  2.ຮັກສາຊັບຂອງມິດຜູ້ປະໝາດແລ້ວ  3.ເມື່ອມິດມີໄພກໍເປັນທີ່ເພິ່ງພາອາໄສໄດ້  4.ບໍ່ປະຖິ້ມໃນຍາມວິບັດ  5.ນັບຖືຕະຫລອດເຖິງວົງຕະກຸນຂອງມິດ ຄະຫະບໍດີບຸດ ! ມິດສະຫາຍຜູ້ເປັນທິດເບື້ອງຊ້າຍອັນກຸລະບຸດປະຕິບັດໂດຍສະຖານະ 5 ເຫລົ່ານີ້ແລ້ວ ຍ່ອມອະນຸເຄາະກຸລະບຸດໂດຍສະຖານະ 5 ເຫລົ່ານີ້ ທິດເບື້ອງຊ້າຍນັ້ນ ຊື່ວ່າກຸລະບຸດໄດ້ປົກປ້ອງແລ້ວ ເປັນທິດອັນກະເສມ ບໍ່ມີໄພເກີດຂຶ້ນ. ສຸຕຕັນຕະປິດົກ ທີຄະນິກາຍ ປາຕິກະວັຄ ໑໑/໑໔໕-໑໔໖/໒໐໒