ເຮັດຢ່າງໜຶ່ງ ແຕ່ຢາກໄດ້ຢ່າງໜຶ່ງ
ວາເສດຖະ ! ປຽບເໝືອນແມ່ນໍ້າອະຈີຣະວະດີນີ້ ມີນໍ້າເຕັມປ່ຽມ ກາຢືນດື່ມໄດ້ ຄັ້ງນັ້ນ ມີບຸຣຸດຄົນໜຶ່ງມາເຖິງເຂົາ ເຂົາມີປະໂຫຍດທີ່ຝັ່ງນັ້ນ ສະແຫວງຫາຝັ່ງນັ້ນມີການຈະໄປສູ່ຝັ່ງນັ້ນ ປະສົງຈະຂ້າມໄປສູ່ຝັ່ງນັ້ນ "ແຕ່ເຂົານອນປົກຫົວຂອງຕົນຢູ່ທີ່ຮີມຝັ່ງນີ້."
ວາເສດຖະ! ທ່ານຄິດວ່າຢ່າງໃດ ບຸຣຸດນັ້ນຈະໄປຈາກຝັ່ງໃນສູ່ຝັ່ງນອກ ແຫ່ງແມ່ນໍ້າອະຈີຣະວະດີໄດ້ ຫລືບໍ່ໜໍ?
"ບໍ່ໄດ້ເລີຍ ທ່ານພຣະໂຄດົມ"
ວາເສດຖະ! ຂໍ້ນີ້ກໍສັນນັ້ນເໝືອນກັນ ນິວອນ 5 ຢ່າງເຫລົ່ານີ້ເອີ້ນກັນໃນອະຣິຍະວິໄນວ່າ
ເຄື່ອງປິດແດ່ ວ່າ
ເຄື່ອງກັ້ນແດ່ ວ່າ
ເຄື່ອງຄຸມແດ່ ວ່າ
ເຄື່ອງຮ້ອຍຮັດແດ່.
5 ຢ່າງ ຢ່າງໃດໜໍ? 5 ຢ່າງຄື:
1.ກາມມະສັນທະນິວອນ
2.ພະຍາປາທະນິວອນ
3.ຖີນະມິດທະນິວອນ
4.ອຸດທັດຈະກຸກກຸດຈະນິວອນ
5.ວິຈິກິດສານິວອນ
ວາເສດຖະ ! ນິວອນ 5 ຢ່າງເຫລົ່ານີ້ແລ ເອີ້ນກັນໃນອະຣິຍະວິໄນວ່າ ເຄື່ອງປິດແດ່ ວ່າ ເຄື່ອງກັ້ນແດ່ ວ່າ ເຄື່ອງຄຸມແດ່ ວ່າ ເຄື່ອງຮ້ອຍຮັດແດ່.
ວາເສດຖະ ! ພຣາມໄຕຣເພດທັງຫລາຍຖືກນິວອນ 5 ຢ່າງເຫລົ່ານີ້ *ປິດແລ້ວ *ກັ້ນແລ້ວ *ຄຸມແລ້ວ *ຮ້ອຍຮັດແລ້ວ.
ວາເສດຖະ ! ພຣາມໄຕຣເພດເຫລົ່ານັ້ນ *ລະທັມມະທີ່ທຳຄວາມເປັນພຣາມເສຍ *ສະມາທານທັມມະທີ່ບໍ່ທຳຄວາມເປັນພຣາມ ດຳຣົງຊີວິດໃຫ້ເປັນໄປຢູ່ ອັນນິວອນທັງ 5 ຢ່າງ ປິດແລ້ວ ກັ້ນແລ້ວ ຄຸມແລ້ວ ຮ້ອຍຮັດແລ້ວ *ຈັກເປັນຜູ້ເຂົ້າເຖິງສະຫາຍແຫ່ງພຣົມ ພາຍຫລັງແຕ່ການຕາຍ ເພາະການທຳລາຍແຫ່ງກາຍ ດັ່ງນີ້ນັ້ນ.
"ນັ້ນບໍ່ແມ່ນຖານະທີ່ຈະມີໄດ້."
🌸🌸🌸🌺🌺🌺
ພຣະໄຕຣປິດົກ.ສີ.ທີ.໙/໓໐໖-໓໐໗/໓໗໘-໓໗໙.
Comments
Post a Comment