ມິດແທ້(ເພື່ອນທີ່ດີ) ມິດທຽມ(ເພື່ອນບໍ່ດີ)
ຄະຫະບໍດີບຸດ ! ຄົນ 4 ຈຳພວກເຫຼົ່ານີ້ຄື:
1. ຄົນນຳແຕ່ສິ່ງຂອງໆເພື່ອນໄປທ່າດຽວ (ຄົນຫວັງແຕ່ໄດ້ຢ່າງດຽວ)
2. ຄົນດີແຕ່ເວົ້າ
3. ຄົນປະຈົບສໍພໍ
4. ຄົນຊັກຊວນໃນທາງຈິບຫາຍ
ທ່ານຈົ່ງຮູ້ວ່າ ບໍ່ແມ່ນມິດ ເປັນແຕ່ຄົນທຽມມິດ.
ຄະຫະບໍດີບຸດ ! ຄົນນຳແຕ່ສິ່ງຂອງໆເພື່ອນໄປທ່າດຽວ ທ່ານຈົ່ງຮູ້ວ່າ ບໍ່ແມ່ນມິດ ເປັນແຕ່ຄົນທຽມມິດ ໂດຍມີ 4 ສະຖານະຄື:
1. ເປັນຄົນຄິດເອົາແຕ່ໄດ້ຝ່າຍດຽວ
2. ຍອມເສຍນ້ອຍ ແຕ່ຫວັງຢາກໄດ້ຫຼາຍ
3. ບໍ່ຮັບກະທຳກິດຂອງເພື່ອນໃນຄາວມີໄພ
4. ຄົບເພື່ອນເພາະເຫັນແກ່ປະໂຫຍດຂອງຕົນ
ຄະຫະບໍດີບຸດ ! ຄົນນຳແຕ່ສິ່ງຂອງໆເພື່ອນໄປທ່າດຽວ ທ່ານຈົ່ງຮູ້ວ່າ ບໍ່ແມ່ນມິດ ເປັນແຕ່ຄົນທຽມມິດ ໂດຍມີ 4 ສະຖານະເຫຼົ່ານີ້ແລ.
ຄະຫະບໍດີບຸດ ! ຄົນດີແຕ່ເວົ້າ ທ່ານຈົ່ງຮູ້ວ່າ ບໍ່ແມ່ນມິດ ເປັນແຕ່ຄົນທຽມມິດ ໂດຍມີ 4 ສະຖານະຄື:
1. ເກັບເອົາຂອງທີ່ລ່ວງໄປແລ້ວມາປາໄສ
2. ອ້າງເອົາຂອງທີ່ຍັງມາບໍ່ເຖິງມາປາໄສ ໑
3. ສົງເຄາະດ້ວຍສິ່ງທີ່ຫາປະໂຫຍດບໍ່ໄດ້ ໑
4. ເມື່ອມີກິຈທຸຣະກໍສະແດງຄວາມຂັດຂ້ອງ ໑
ຄະຫະບໍດີບຸດ ! ຄົນດີແຕ່ເວົ້າ ທ່ານຈົ່ງຮູ້ວ່າ ບໍ່ແມ່ນມິດ ເປັນແຕ່ຄົນທຽມມິດ ໂດຍມີ 4 ສະຖານະເຫຼົ່ານີ້ແລ.
ຄະຫະບໍດີບຸດ ! ຄົນປະຈົບສໍພໍ ທ່ານຈົ່ງຮູ້ວ່າ ບໍ່ແມ່ນມິດ ເປັນແຕ່ຄົນທຽມມິດ ໂດຍມີ 4 ສະຖານະຄື:
1. ຕາມໃຈເພື່ອນທີ່ທຳຄວາມຊົ່ວ (ຈະທຳຄວາມຊົ່ວກໍຄ້ອຍຕາມ),
2. ຕາມໃຈເພື່ອນທີ່ທຳຄວາມດີ (ຈະທຳດີກໍຄ້ອຍຕາມ),
3. ຕໍ່ໜ້າສັນລະເສີນ,
4. ລັບຫຼັງນິນທາ.
ຄະຫະບໍດີບຸດ ! ຄົນປະຈົບສໍພໍ ທ່ານຈົ່ງຮູ້ເຖີດວ່າ ບໍ່ແມ່ນມິດ ເປັນແຕ່ຄົນທຽມມິດ ໂດຍມີ 4 ສະຖານະເຫຼົ່ານີ້ແລ.
ຄະຫະບໍດີບຸດ ! ຄົນຊັກຊວນໃນທາງຈິບຫາຍ ທ່ານຈົ່ງຮູ້ວ່າ ບໍ່ແມ່ນມິດ ເປັນແຕ່ຄົນທຽມມິດ ໂດຍມີ 4 ສະຖານຄື:
1. ຊັກຊວນໃຫ້ດື່ມນໍ້າເມົາຄື ສຸຣາ ແລະ ເມໄຣ ອັນເປັນທີ່ຕັ້ງແຫ່ງຄວາມປະມາດ.
2. ຊັກຊວນທ່ຽວຕາມສະຖານທີ່ຕ່າງໆໃນເວລາວິການ.
3. ຊັກຊວນໃຫ້ທ່ຽວເບິ່ງການຫຼິ້ນມະຫໍຣະສົບຕ່າງໆ
4. ຊັກຊວນໃຫ້ຫຼິ້ນການພະນັນ ອັນເປັນທີ່ຕັ້ງແຫ່ງຄວາມປະມາດ.
ຄະຫະບໍດີບຸດ ! ຄົນທີ່ຊັກຊວນໃນທາງຈິບຫາຍ ທ່ານຈົ່ງຮູ້ວ່າ ບໍ່ແມ່ນມິດ ເປັນແຕ່ຄົນທຽມມິດ ໂດຍມີ 4 ສະຖານະເຫຼົ່ານີ້ແລ.
ບັນດິດຮູ້ແຈ້ງມິດ 4 ຈຳພວກເຫຼົ່ານີ້ຄື:
1. ມິດປອກລອກ
2. ຄົນດີແຕ່ເວົ້າ
2. ມີດປະຈົບສໍພໍ
3. ມິດແນະນຳໃນທາງຈິບຫາຍ
ວ່າບໍ່ແມ່ນມິດດັ່ງນີ້ແລ້ວ ກໍເວັ້ນເສຍໃຫ້ຫ່າງໄກ ເໝືອນຄົນເດີນທາງເວັ້ນທາງທີ່ມີໄພ ເຊັ່ນນັ້ນ.
ຄະຫະບໍດີບຸດ ! ມິດ 4 ຈຳພວກເຫຼົ່ານີ້ຄື:
1. ມິດທີມີອຸປະກາຣະ
2. ມິດຮ່ວມສຸກຮ່ວມທຸກຂ໌
3. ມິດແນະນຳປະໂຫຍດ
4. ມິດມີຄວາມຮັກໃຄ່
ທ່ານຈົ່ງຮູ້ວ່າ ເປັນມິດແທ້.
ຄະຫະບໍດີບຸດ ! ມິດທີ່ມີອຸປະກາຣະ ທ່ານຈົ່ງຮູ້ວ່າເປັນມິດແທ້ ໂດຍມີ 4 ສະຖານະຄື:
1. ຮັກສາເພື່ອນຜູ້ປະມາດແລ້ວ
2. ຮັກສາຊັບສົມບັດຂອງເພື່ອນຜູ້ປະມາດແລ້ວ
3. ເມື່ອມີໄພກໍເພິ່ງພາອາໄສໄດ້
4. ເມື່ອມີກິດທຸຣະທີ່ຈະຕ້ອງກະທຳກໍເພີ່ມຊັບໃຫ້ສອງເທົ່າ (ເມື່ອມີທຸຣະກໍຊ່ວຍຊັບເກີນທີ່ໄດ້ບອກໄວ້)
ຄະຫະບໍດີບຸດ ! ມິດທີ່ອຸປະກາຣະ ທ່ານຈົ່ງຮູ້ວ່າ ເປັນມິດແທ້ ໂດຍມີ 4 ສະຖານະເຫຼົ່ານີ້ແລ.
ຄະຫະບໍດີບຸດ ! ມິດຮ່ວມສຸກຮ່ວມທຸກຂ໌ ທ່ານຈົ່ງຮູ້ວ່າ ເປັນມິດແທ້ ໂດຍມີ 4 ສະຖານະຄື:
1. ບອກຄວາມລັບແກ່ເພື່ອນ
2. ປິດຄວາມລັບຂອງເພື່ອນ
3. ບໍ່ປະຖິ້ມໃນຄາວມີໄພ
4. ແມ່ນແຕ່ຊີວິດກໍສາມາດສະລະເພື່ອປະໂຫຍດຂອງເພື່ອນໄດ້
ຄະຫະບໍດີບຸດ ! ມິດຮ່ວມສຸກຮ່ວມທຸກຂ໌ ທ່ານຈົ່ງຮູ້ວ່າ ເປັນມິດແທ້ ໂດຍສະຖານະ 4 ຄື:
1. ຫ້າມປາມຈາກຄວາມຊົ່ວ
2. ແນະນຳໃຫ້ຕັ້ງຢູ່ໃນຄວາມດີ
3. ໃຫ້ໄດ້ຟັງໃນສິ່ງທີ່ບໍ່ເຄີຍໄດ້ຟັງ
4. ບອກທາງສະຫວັນໃຫ້
ຄະຫະບໍດີບຸດ ! ມິດແນະນຳປະໂຫຍດ ທ່ານຈົ່ງຮູ້ວ່າ ເປັນມິດແທ້ ໂດຍມີ 4 ສະຖານະເຫຼົ່ານີ້ແລ.
ຄະຫະບໍດີບຸດ ! ມິດທີ່ມີຄວາມຮັກໃຄ່ ທ່ານຈົ່ງຮູ້ວ່າເປັນມິດແທ້ ໂດຍສະຖານະ 4 ຄື:
1. ບໍ່ຍິນດີກັບຄວາມເສື່ອມຂອງເພື່ອນ
2. ຍິນດີກັບຄວາມຈະເຣີນຂອງເພື່ອນ
3. ຫ້າມຄົນທີ່ກ່າວຕິຕຽນເພື່ອນ
4. ສັນລະເສີນຄົນທີ່ສັນລະເສີນເພື່ອນ
ຄະຫະບໍດີບຸດ ! ມິດທີ່ມີຄວາມຮັກໃຄ່ ທ່ານຈົ່ງຮູ້ວ່າເປັນມິດແທ້ ໂດຍສະຖານະ 4 ເຫຼົ່ານີ້ແລ.
ບັນດິດຮູ້ແຈ້ງມິດ 4 ຈຳພວກເຫຼົ່ານີ້ຄື ມິດທີ່ມີອຸປະກາຣະ, ມິດຮ່ວມສຸກ ຮ່ວມທຸກຂ໌, ມິດແນະນຳປະໂຫຍດ, ມິດທີ່ມີຄວາມຮັກໃຄ່ ວ່າເປັນມິດແທ້ຢ່າງນີ້ແລ້ວ ກໍເຂົ້າໄປນັ່ງໃກ້ໂດຍເຄົາຣົບເໝືອນມານດາກັບບຸດ ເຊັ່ນນັ້ນ. ບັນດິດຜູ້ສົມບູນດ້ວຍສີນຍ່ອມຮຸ່ງເຮືອງສ່ອງສະຫວ່າງເໝືອນດັ່ງໄຟ ເມື່ອບຸກຄົນຮັກສາໂພຄະສົມບັດຢູ່ເໝືອນແມງເຜິ້ງຜະນວກຮັງ ໂພຄະສົມບັດ ຍ່ອມເຖິງເຊິ່ງການສັ່ງສົມ ເໝືອນຈອມປວກທີ່ຕົວປວກກໍ່ຂຶ້ນເຊັ່ນນັ້ນ. ຄະຣືຫັດໃນຕະກຸນຜູ້ສາມາດ ຄັນສັ່ງສົມໂພຄະສົມບັດໄດ້ຢ່າງນີ້ແລ້ວ
ຍ່ອມແບ່ງໂພຄິສົມບັດອອກເປັນ 4 ສ່ວນເຂົາຍ່ອມສະໝານມິດໄວ້ໄດ້
1. ຍ່ອມໃຊ້ສອຍໂພຄະສົມບັດດ້ວຍສ່ວນໜຶ່ງ,
2.3 ຍ່ອມປະກອບການງານສອງສ່ວນ ແລະ
4. ກໍເກັບຮັກສາສ່ວນທີສີ່ໄວ້ ໂດຍໝາຍວ່າ ຈັກເກັບໄວ້ໃນຍາມມີໄພອັນຕະລາຍ ດັ່ງນີ້.
........................................
ສຸຕຕັນຕະປິດົກ ທີຄະນິກາຍ ປາຕິກະວັກ ພາສາໄທ ສະບັບຫຼວງ ໑໑ /໑໔໓ /໑໘໖
Comments
Post a Comment