ພຣະຜູ້ມີພຣະພາກອະຣະຫັນຕະສັມມາສັມພຸດທະ ພຣະນາມວ່າ ວິປັດສີ

ພິກຂຸທັງຫລາຍ! ໃນທີ່ນັ້ນແລ ພຣະຜູ້ມີພຣະພາກອະຣະຫັນຕະສັມມາສັມພຸທທະ ພຣະນາມວ່າ ວິປັດສີ ຊົງສູດປາຕິໂມກໃນທີ່ປະຊຸມພິກຂຸສົງຄ໌ດັ່ງນີ້:

ຂັນຕິຄື ຄວາມອົດທົນເປັນຕະບະຢ່າງຍິ່ງ

ພຣະພຸດທະເຈົ້າທັງຫລາຍກວ່າວ່າ:

 ນິບພານເປັນທັມຢ່າງຍິ່ງ 

 ຜູ້ທຳຮ້າຍຜູ້ຜູ້ອື່ນ ຜູ້ບຽດບຽນຜູ້ອື່ນ

 ບໍ່ຊື່ວ່າເປັນບັນພະຊິດ ບໍ່ຊື່ວ່າເປັນສະມະນະເລີຍ.

 ການບໍ່ທຳບາບທັງປວງ

 ການທຳກຸສົນໃຫ້ເຖິງພ້ອມ

 ການທຳຈິດຂອງຕົນໃຫ້ຜ່ອງໃສ

 ນີ້ເປັນຄຳສັ່ງສອນຂອງພຣະພຸດທະເຈົ້າທັງຫລາຍ.

 ການບໍ່ກ່າວຮ້າຍ,

 ການບໍ່ທຳຮ້າຍ, 

 ການສັງຣວມໃນປາຕິໂມກຂ໌,

 ຄວາມເປັນຜູ້ຮູ້ປະມານໃນພັດຕາຫານ (ມັຕຕັນຍຸຕາ ຈະ ພັຕຕັສມິງ),

 ການຢູ່ໃນເສນາສະນະອັນສະຫງັດ,

 ການປະກອບຄວາມພຽນໃນອະທິຈິດ,

 ນີ້ເປັນຄຳສັ່ງສອນຂອງພຣະພຸດທະເຈົ້າທັງຫລາຍ.

..................................................................

ທີຄະນິກາຍ ມະຫາວັຄ 10/40/54