ວ່າດ້ວຍທາງຫລີກລ້ຽງຄົນຊົ່ວ
ດູຣາຈຸນທະ ປຽບເໝືອນທາງທີ່ບໍ່ລຽບ ກໍຕ້ອງມີທາງເສັ້ນອື່ນທີ່ລຽບ ສຳລັບຫລີກທາງທີ່ບໍ່ລຽບນັ້ນ
ອັນໜຶ່ງ ປຽບເໝືອນທ່ານ້ຳທີ່ບໍ່ພຽງລຽບ ກໍເພິ່ງມີທ່ານ້ຳອື່ນທີ່ພຽງລຽບ ສຳລັບຫລີກທ່ານ້ຳທີ່ບໍ່ພຽງລຽບນັ້ນ
- ຄວາມບໍ່ບຽດບຽນກໍສັນນັ້ນແລ ເປັນທາງສຳລັບຫລີກລ້ຽງບຸກຄົນຜູ້ບຽດບຽນ.
- ການງົດເວັ້ນຈາກປານາຕິບາດ ເປັນທາງສຳລັບຫລີກລ້ຽງບຸກຄົນຜູ້ຂ້າສັດ.
- ການງົດເວັ້ນຈາກອະທິນນາທານ ເປັນທາງສຳລັບຫລີກລ້ຽງບຸກຄົນຜູ້ລັກຊັບ.
- ການປະພຶດພຣົມມະຈັນ ເປັນທາງສຳລັບຫລີກລ້ຽງບຸກຄົນຜູ້ເສບເມຖຸນ.
- ການງົດເວັ້ນຈາກມຸສາວາດ ເປັນທາງສຳລັບຫລີກລ້ຽງບຸກຄົນຜູ້ເວົ້າບໍ່ຈິງ.
- ການງົດເວັ້ນຈາກປິສຸນາວາຈາ ເປັນທາງສຳລັບຫລີກລ້ຽງລ້ຽງບຸກຄົນຜູ້ກ່າວສໍ່ສຽດ.
- ການງົດເວັ້ນຈາກຜະຣຸສະວາຈາ ເປັນທາງສຳລັບຫລີກລ້ຽງບຸຄຄົນຜູ້ກ່າວຄຳຫຍາບ.
- ການງົດເວັ້ນຈາກສັມຜັບປະລາປະ ເປັນທາງສຳລັບຫລີກລ້ຽງບຸກຄົນຜູ້ເວົ້າເພີ້ເຈີ້.
- ຄວາມເປັນຜູ້ບໍ່ເພັ່ງເລັງ ເປັນທາງສຳລັບຫລີກລ້ຽງບຸກຄົນຜູ້ມັກເພັ່ງເລັງ.
- ຄວາມບໍ່ພະຍາບາດ ເປັນທາງສຳລັບຫລີກລ້ຽງບຸກຄົນຜູ້ມີຈິດພະຍາບາດ.
- ຄວາມເຫັນຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີຄວາມເຫັນຜິດ.
- ຄວາມດຳຣິຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີຄວາມດຳຣິຜິດ.
- ການກ່າວວາຈາຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີວາຈາຜິດ.
- ການງານຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີການງານຜິດ.
- ການລ້ຽງຊີບຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີອາຊີບຜິດ.
- ຄວາມພຽນຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີຄວາມພຽນຜິດ.
- ຄວາມລະນຶກຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີຄວາມລະນຶກຜິດ.
- ຄວາມຕັ່ງໃຈຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ຕັ້ງໃຈຜິດ.
- ຄວາມຮູ້ຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີຄວາມຮູ້ຜິດ.
- ວິມຸດຕິຖືກຕ້ອງ ເປັນທາງສຳລັບຫລີກລ້ຽງບຸກຄົນຜູ້ມີວິມຸດຕິຜິດ.
- ຄວາມເປັນຜູ້ປາສະຈາກຖີ່ນະມິດທະ ເປັນທາງສຳລັບຫລີກລ້ຽງບຸກຄົນຖືກຖີ່ນະມິດທະຄອບງຳ.
- ຄວາມບໍ່ຟຸ້ງຊ່ານ ເປັນທາງສຳລັບຫລີກລ້ຽງບຸກຄົນຜູ້ມີຈິດຟຸ້ງຊ່ານ.
- ຄວາມເປັນຜູ້ຂ້າມພົ້ນຈາກຄວາມສົງໃສ ເປັນທາງສຳລັບຫລີກລ້ຽງບຸກຄົນຜູ້ມີຄວາມສົງໃສ.
- ຄວາມບໍ່ໂກດ ເປັນທາງສຳລັບຫລີກລ້ຽງບຸກຄົນຜູ້ມັກໂກດ.
- ຄວາມບໍ່ເຂົ້າໄປຜູກໂກດ ເປັນທາງສຳລັບຫລີກລ້ຽງບຸກຄົນຜູ້ເຂົ້າໄປຜູກໂກດ.
- ຄວາມບໍ່ລົບລູ່ຄຸນທ່ານ ເປັນທາງສຳລັບຫລີກລ້ຽງບຸກຄົນຜູ້ມັກລົບລູ່ຄຸນທ່ານ.
- ຄວາມບໍ່ຍົກຕົນທຽມທ່ານ ເປັນທາງສຳລັບຫລີກລ້ຽງບຸກຄົນຜູ້ມັກຍົກຕົນທຽມທ່ານ.
- ຄວາມບໍ່ຣິດສະຫຍາ ເປັນທາງສຳລັບຫລີກລ້ຽງບຸກຄົນຜູ້ຣິດສະຫຍາ.
- ຄວາມບໍ່ຂີ້ຖີ່ ເປັນທາງສຳລັບຫລີກລ້ຽງບຸກຄົນຜູ້ຂີ້ຖີ່.
- ຄວາມບໍ່ໂອ້ອວດ ເປັນທາງສຳລັບຫລີກລ້ຽງບຸກຄົນຜູ້ໂອ້ອວດ.
- ຄວາມບໍ່ມີມານຍາ ເປັນທາງສຳລັບຫລີກລ້ຽງບຸກຄົນຜູ້ມີມານຍາ.
- ຄວາມເປັນຄົນບໍ່ດື້ດ້ານ ເປັນທາງສຳລັບຫລີກລ້ຽງບຸກຄົນຜູ້ດື້ດ້ານ.
- ຄວາມບໍ່ດູໝິ່ນທ່ານ ເປັນທາງສຳລັບຫລີກລ້ຽງບຸກຄົນຜູ້ດູໝິ່ນທ່ານ.
- ຄວາມເປັນຜູ້ວ່າງ່າຍ ເປັນທາງສຳລັບຫລີກລ້ຽງບຸກຄົນຜູ້ວ່າຍາກ.
- ຄວາມເປັນຜູ້ມີມິດດີ ເປັນທາງສຳລັບຫລີກລ້ຽງບຸກຄົນຜູ້ມີມິດຊົ່ວ.
- ຄວາມບໍ່ປະໝາດ ເປັນທາງສຳຫລັບຫລີກລ້ຽງບຸກຄົນຜູ້ປະໝາດ.
- ຄວາມມີສັດທາ ເປັນທາງສຳລັບຫລີກລ້ຽງບຸກຄົນຜູ້ບໍ່ມີສັດທາ.
- ຄາມລະອາຍຕໍ່ບາບ ເປັນທາງສຳລັບຫລີກລ້ຽງບຸກຄົນຜູ້ບໍ່ມີຄວາມລະອາຍຕໍ່ບາບ.
- ຄວາມສະດຸ້ງກົວຕໍ່ບາບ ເປັນທາງສຳລັບຫລີກລ້ຽງບຸກຄົນຜູ້ບໍ່ມີຄວາມສະດຸ້ງກົວຕໍ່ບາບ.
- ຄວາມເປັນພະຫູສູດ ເປັນທາງສຳລັບຫລີກລ້ຽງ ບຸກຄົນຜູ້ມີການສະດັບໜ້ອຍ.
- ການປາຣົກຄວາມພຽນ ເປັນທາງສຳລັບຫລີກລ້ຽງ ບຸກຄົນຜູ້ຂີ້ຄ້ານ.
ຄວາມເປັນຜູ້ມີສະຕິດຳຣົງໝັ້ນ ເປັນທາງສຳລັບຫລີກລ້ຽງ ບຸກຄົນຜູ້ມີສະຕິຫລົງລືມ.
- ຄວາມເຖິງພ້ອມດ້ວຍປັນຍາ ເປັນທາງສຳລັບຫລີກລ້ຽງ ບຸກຄົນຜູ້ມີປັນຍາຊາມ.
- ຄວາມເປັນຜູ້ບໍ່ລູບຄຳທິດຖິຂອງຕົນ ບໍ່ຢຶດຖືໝັ້ນຄົງ ແລະ ບຸກຄົນອື່ນໃຫ້ລະຄືນໄດ້ໂດຍງ່າຍ ເປັນທາງສຳລັບຫລີກລ້ຽງບຸກຄົນຜູ້ລູບຄຳທິດຖິຂອງຕົນຢຶດຖືໝັ້ນຄົງ ແລະບຸກຄົນອື່ນ ໃຫ້ສະຫລະຄືນໄດ້ໂດຍຍາກ.
ດູຣາຈຸນທະ ປຽບເໝືອນອະກຸສົນທັມທັງມວນ ເປັນເຫດໃຫ້ເຖິງຄວາມເປັນເບື້ອງລຸ່ມ
ກຸສົນທັມທັງມວນເປັນເຫດໃຫ້ເຖິງຄວາມເປັນເບື້ອງເທິງ ເຊັ່ນໃດ...
ຄວາມບໍ່ບຽດບຽນກໍເຊັ່ນນັ້ນແລ ຍ່ອມເປັນທັມສຳລັບ ຄວາມເປັນເບື້ອງເທິງຂອງບຸກຄົນຜູ້ບຽດບຽນ.
ການງົດເວັ້ນຈາກປານາຕິບາດ ຍ່ອມເປັນທັມສຳລັບ ຄວາມເປັນເບື້ອງເທິງຂອງບຸກຄົນຜູ້ຂ້າສັດ
ການງົດເວັ້ນຈາກອະທິນນາທານ ຍ່ອມເປັນທັມສຳລັບ ຄວາມເປັນເບື້ອງເທິງຂອງບຸກຄົນຜູ້ລັກຊັບ ແລະ ອື້ນໆ
ຄວາມເປັນຜູ້ບໍ່ລູບຄຳທິດຖິຂອງຕົນ ບໍ່ຢຶດຖືໝັ້ນຄົງ ແລະ ສະລະຄືນໄດ້ໂດຍງ່າຍເປັນທາງສຳລັບຄວາມເບື້ອງເທິງຂອງບຸກຄົນຜູ້ລູບຄຳທິດຖິຂອງຕົນ ຢຶດຖືໝັ້ນຄົງ ແລະ ສະລະຄືນໄດ້ໂດຍຍາກ.
ພຣະໄຕປິດົກ ໄທ (ສະບັບຫລວງ) ເຫລັ້ມ ໑໒.
Comments
Post a Comment