ທັມທັງປວງມີສະຕິເປັນໃຫຍ່
ດູກ່ອນພິດວກຂຸທັງຫລາຍ! ອັນພວກອັນຍະເດຍຣະຖີປະຣິພາຊົກເພິ່ງຖາມຢ່າງນີ້ວ່າ:
ດູກ່ອນອາວຸໂສທັງຫລາຍ! ທັມທັງປວງ ມີສິ່ງໃດເປັນມູນ ມີສິ່ງໃດເປັນແດນເກີດ ມີສິ່ງໃດເປັນເຫດເກີດ ມີສິ່ງໃດເປັນທີ່ປະຊຸມລົງ ມີສິ່ງໃດເປັນປະມຸກ ມີສິ່ງໃດເປັນໃຫຍ່ ມີສິ່ງໃດເປັນຍອດ ມີສິ່ງໃດເປັນແກ່ນ ມີສິ່ງໃດເປັນທີ່ຢັ່ງລົງ ມີສິ່ງໃດເປັນທີສຸດ ເຈົ້າທັງຫລາຍຖືກຖາມຢ່າງນີ້ແລ້ວຈະພຶ່ງພະຍາກອນແກ່ອັນຍະເດຍຣະຖີ ປະຣິພາຊົກເຫລົ່ານັ້ນວ່າຢ່າງໃດ?
ພິກຂຸເຫລົ່ານັ້ນກຣາບທູນວ່າ ຂ້າແຕ່ພຣະອົງຜູ້ຈະເລີນ ທັມຂອງຂ້າພຣະອົງທັງຫລາຍມີພຣະຜູ້ມີພຣະພາກເປັນມູນມີພຣະຜູ້ມີພຣະພາກເປັນຜູ້ນຳ ມີພຣະຜູ້ມີພຣະພາກເປັນທີ່ເພິ່ງ
ພຣະພຸດທະເຈົ້າ ຂ້ານ້ອຍຂໍປະທານພຣະວະໂອກາດ ຂໍເນື້ອຄວາມແຫ່ງພາສິດນີ້ຈົ່ງແຈ່ມແຈ້ງກັບພຣະຜູ້ມີພຣະພາກເຖີດ
ພິກຂຸທັງຫລາຍໄດ້ຟັງຕໍ່ພຣະຜູ້ມີພຣະພາກແລ້ວຈະຊົງຈຳໄວ້ ພຣະຜູ້ມີພຣະພາກກວ່າວ່າ:
ດູກ່ອນພິກຂຸທັງຫລາຍ! ຖ້າເຊັ່ນນັ້ນເຈົ້າທັງຫລາຍຈົ່ງຟັງ ຈົງໃສ່ໃຈໃຫ້ດີ ເຮົາຈະກ່າວ ພິກຂຸເຫລົານັ້ນທູນຮັບພຣະຜູ້ມີພຣະພາກແລ້ວ ພຣະຜູ້ມີພຣະພາກໄດ້ກວ່າວ່າ:
ດູກ່ອນພິກຂຸທັງຫລາຍ! ຖ້າພວກອັນຍະເດຍຣະຖີປະຣິພາຊົກພຶ່ງຖາມຢ່າງນີ້ວ່າ:
ດູກ່ອນອາວຸໂສທັງຫລາຍ! ທັມທັງປວງມີສິ່ງໃດເປັນມູນ ມີສິ່ງໃດເປັນແດນເກີດ ... ມີສິ່ງໃດເປັນທີ່ຍັ່ງລົງ ມີສິ່ງໃດເປັນທີ່ສຸດ ເຈົ້າທັງຫລາຍຖືກຖາມຢ່າງນີ້ແລ້ວ ພຶ່ງພະຍາກອນແກ່ອັນຍະເດຍຣະຖີປະຣິພາຊົກເຫລົ່ານັ້ນຢ່າງນີ້ວ່າ:
ດູກ່ອນອາວຸໂສທັງຫລາຍ
- ທັມທັງປວງມີສັນທະ(ຄວາມພໍໃຈ)ເປັນມູນ
- ມີມະນະສິການ(ການກະທັມໄວ້ໃນໃຈ)ເປັນແດນເກີດ
- ມີຜັດສະ(ການກະທົບ)ເປັນເຫດເກີດ
- ມີເວທະນາ(ອາລົມ)ເປັນທີ່ປະຊຸມລົງ
- ມີສະມາທິ(ໃຈທີມີຄວາມຕັ້ງໝັ້ນ)ເປັນປະມຸກມີສະຕິເປັນໃຫຍ່
- ມີປັນຍາ(ເຫັນຄວາມບໍ່ທ່ຽງ)ເປັນຍິ່ງ
- ມີວິມຸດຕິ(ຄວາມເປັນອິດສະລະຈາກຄວາມຍຶດໝັ້ນໃນຕົວຕົນ)ເປັນແກ່ນ
- ມີອະມະຕະ(ຄວາມຄົງທີ່)ເປັນທີ່ຢັ່ງລົງ
- ມີນິບພານ(ຄວາມດັບເຢັນ)ເປັນທີ່ສຸດ
ດູກ່ອນພິກຂຸທັງຫລາຍ! ເຈົ້າທັງຫລາຍຖືກຖາມຢ່າງນີ້ແລ້ວ ພຶ່ງພະຍາກອນແກ່ອັນຍະເດຍຣະຖີປະຣິພາຊົກເຫລົ່ານັ້ນ ຢ່າງນີ້ແລ
...........................................
ສຸຕຕັນຕະປິດົກ ອັງຄຸຕຕຣນິກາຍ ໒໔/໙໗/໕໘
Comments
Post a Comment