ຄົນພານກ່າວຄຳຫຍາບດ້ວຍວາຈາຍ່ອມສຳຄັນວ່າຊະນະແລ້ວ
ແຕ່ຄວາມອົດກັ້ນໄດ້ເປັນຄວາມຊະນະຂອງບັນດິດຜູ້ຮູ້ແຈ້ງຢູ່
ຜູ້ໃດໂກດຕອບບຸກຄົນຜູ້ໂກດແລ້ວ ຜູ້ນັ້ນເປັນຜູ້ຊົ່ວກວ່າບຸກຄົນຜູ້ໂກດແລ້ວ ເພາະການໂກດຕອບນັ້ນ.
ບຸກຄົນໃດບໍ່ໂກດຕອບບຸກຄົນຜູ້ໂກດແລ້ວ
ຊື່ວ່າຍ່ອມຊະນະສົງຄາມທີ່ບຸກຄົນຊະນະໄດ້ຍາກ.
ຜູ້ໃດຮູ້ຢູ່ວ່າຜູ້ອື່ນໂກດແລ້ວ ເປັນຜູ້ມີສະຕິ ສະຫງົບເສຍໄດ້
ຜູ້ນັ້ນຊື່ວ່າຍ່ອມປະພຶດປະໂຫຍດແກ່ທັງສອງຝ່າຍ ຄືຂອງຕົນ ແລະ ຂອງບຸກຄົນອື່ນ ເມື່ອຜູ້ນັ້ນຮັກສາປະໂຫຍດທັງສອງຝ່າຍຄືຂອງຕົນ ແລະ ຂອງບຸກຄົນອື່ນ
ຊົນທັງຫລາຍຜູ້ບໍ່ສະຫລາດໃນທັມ
ຍ່ອມສຳຄັນບຸກຄົນນັ້ນວ່າ ເປັນຄົນໂງ່ເຂົາ ດັ່ງນີ້.
...................................................................
ສັງຍຸຕຕະນິກາຍ ສະຄາຖະວັຄ ໑໕/໑໙໘/໖໓໖
Comments
Post a Comment