ເຫດທີ່ເຮັດໃຫ້ພຣະເທວະທັດຕົກນະຣົກຕະຫລອດກັບແກ້ໄຂບໍ່ໄດ້
ພິກຂຸທັງຫລາຍ ! ພຣະເທວະທັດມີຈິດອັນອະສັດທັມ 8 ປະການຄອບງຳຍ່ຳຍີແລ້ວ ຕ້ອງໄປບັງເກີດໃນອະບາຍ ໃນນະຣົກຕະຫລອດກັບ ແກ້ໄຂບໍ່ໄດ້. ອະສັດທັມ 8 ປະການເປັນແນວໃດ? ຄື:
1.ລາບ
2.ຄວາມເສື່ອມລາບ
3.ຍົດ
4.ຄວາມເສື່ອມຍົດ
5.ສັກກາຣະ
6.ຄວາມເສື່ອມສັກກາຣະ
7.ຄວາມປາຖະໜາຊົ່ວ
8.ຄວາມເປັນຜູ້ມີມິດຊົ່ວ
ພິກຂຸທັງຫລາຍ ! ພຣະເທວະທັດມີຈິດອັນອະສັດທັມ 8 ປະການນີ້ແລ ຄອບງຳຍ່ຳຍີແລ້ວ ຕ້ອງໄປບັງເກີດໃນອະບາຍ ໃນນະຣົກຕະຫລອດກັບ ແກ້ໄຂບໍ່ໄດ້.
................................................................................................................................
[ກັບໜຶ່ງນານແທ້ຯ ບໍ່ງ່າຍທີ່ຈະນັບເປັນປີຯ ]
ມີພິກຂຸອົງຄ໌ເຂົ້າໄປທູນຖາມພຣະຜູ້ມີພຣະພາຄເຈົ້າ
ຂ້າແຕ່ພຣະອົງຄ໌ຜູ້ຈະເຣີນ ! ກັບໜຶ່ງນານພຽງໃດໜໍ?
ພິກຂຸ ! ກັບໜຶ່ງນານແລ ບໍ່ໄດ້ງ່າຍທີ່ຈະນັບກັບນັ້ນວ່າ ເທົ່ານີ້ 100 ປີ ເທົ່ານີ້ 1,000 ປີ ເທົ່ານີ້ 100,000 ປີ.
ຂ້າແຕ່ພຣະອົງຄ໌ຜູ້ຈະເຣີນ ! ກໍພຣະອົງຄ໌ອາດຈະອຸປະມາໄດ້ບໍ ຂ້ານ້ອຍ!
ອາດອຸປະມາໄດ້ ພິກຂຸ !
ພິກຂຸ ! ເໝືອນຢ່າງວ່າ ພູເຂົາຫີນໜ່ວຍໃຫຍ່ ຍາວໂຍດໜຶ່ງ ກວ້າງໂຍດໜຶ່ງ ສູງໂຍດໜຶ່ງ ບໍ່ມີຊ່ອງ ບໍ່ມີຮູ ເປັນຫີນແທ່ງທຶບ ບຸຣຸດນຳເອົາຜ້າຈາກແຄວ້ນກາສີມາແລ້ວ ປັດພູເຂົານັ້ນ 100 ປີຕໍ່ຄັ້ງ ຈົນເຮັດໃຫ້ພູເຂົາຫີນໜ່ວຍໃຫຍ່ນັ້ນ ຍ່ອມເຖິງການໝົດໄປ ສິ້ນໄປ ເພາະຄວາມພະຍາຍາມນັ້ນ ນີ້ຍັງໄວກວ່າ ສ່ວນກັບໜຶ່ງຍັງບໍ່ເຖິງການໝົດໄປ ສິ້ນໄປ; ກັບນັ້ນນານຢ່າງນີ້ແລ...
[ໂຍດໜຶ່ງເທົ່າກັບ 16 ກິໂລແມັດ]
ສູຕຕັນຕະປິດົກ ອັງຄຸຕຕະຣະນິກາຍ ສັຕຕະກະ-ອັຕຖະກະ-ນະວະກະນິບາຕ ພາສາໄທ ສະບັບຫລວງ ເຫລັ້ມທີ໒໓/໑໒໕-໑໒໖/໙໗
Comments
Post a Comment