ເພາະບໍ່ຮູ້ໃນອະຣິຍະສັດ ສັດຕະທັງຫລາຍຈຶ່ງວຽນຫວາຍຕາຍເກີດໃນສັງສາຣະວັດບໍ່ຈົບບໍ່ສິ້ນ
ພິກຂຸທັງຫລາຍ! ປຽບເໝືອນບຸກຄົນແກວ່ງທ່ອນໄມ້ຂຶ້ນເທິງອາກາດ ບາງຄັ້ງຕົກລົງມາທາງກົກ ບາງຄັ້ງຕົກລົງມາທາງກາງ ບາງຄາວຕົກລົງມາທາງປາຍ ສັນໃດ;
ສັດຕະທັງຫລາຍຜູ້ມີອະວິຊາເປັນເຄື່ອງກັ້ນ ມີຕັນຫາເປັນເຄື່ອງຜູກ ຍ່ອມແລ່ນໄປຢູ່ ທ່ອງທ່ຽວໄປຢູ່ ບາງຄັ້ງກໍຈາກໂລກນີ້ໄປສູ່ໂລກອື່ນ ບາງຄາວກໍຈາກໂລກອື່ນມາສູ່ໂລກນີ້ ສັນນັ້ນເໝືອນກັນ;
ຂໍ້ນັ້ນເພາະເຫດໃດ?
ເພາະບໍ່ເຫັນອະຣິຍະສັດ 4; ອະຣິຍະສັດ 4 ເປັນແນວໃດ?
ຄື:
ຄວາມຈິງອັນປະເສີດຄື: ທຸກຂ໌,
ຄວາມຈິງອັນປະເສີດຄື: ເຫດໃຫ້ເກີດທຸກຂ໌,
ຄວາມຈິງອັນປະເສີດຄື: ຄວາມດັບແຫ່ງທຸກຂ໌,
ຄວາມຈິງອັນປະເສີດຄື: ທາງດຳເນີນໃຫ້ເຖິງຄວາມດັບບໍ່ເຫລືອແຫ່ງທຸກຂ໌.
ພິກຂຸທັງຫລາຍ! ເພາະເຫດນັ້ນແລ ພວກເຈົ້າທັງຫລາຍຈົ່ງກະທຳຄວາມພຽນເພື່ອໃຫ້ຮູ້ຕາມເປັນຈິງວ່າ
ນີ້ທຸກຂ໌,
ນີ້ເຫດໃຫ້ເກີດທຸກຂ໌,
ນີ້ຄວາມດັບແຫ່ງທຸກຂ໌,
ນີ້ທາງດຳເນີນໃຫ້ເຖິງຄວາມດັບແຫ່ງທຸກຂ໌
ສັງຍຸຕຕະນິກາຍ ມະຫາວາຣະວັຄ ໑໙/໔໓໕/໑໗໑໖
Comments
Post a Comment