ຄວາມໂລບ (ໂລພະ)
ສະໄໝໜຶ່ງພຣະຜູ້ມີພຣະພາກປະທັບຢູ່ທີ່ພຣະວິຫານເຊຕະວັນ ອາຣາມຂອງທ່ານອະນາຖະບິນດິກະເສດຖີ ຄັ້ງນັ້ນແລ ພຣະເຈົ້າປະເສນທິໂກສົນສະເດັດເຂົ້າໄປເຝົ້າພຣະຜູ້ມີພຣະພາກເຖິງທີ່ປະທັບ ຄັນແລ້ວ ຈຶ່ງຊົງກຣາບອະພິວາດພຣະຜູ້ມີພຣະພາກ ແລ້ວປະທັບນັ່ງໃນທີ່ຄວນສ່ວນຂ້າງໜຶ່ງ ພຣະເຈົ້າປະເສນທິໂກສົນປະທັບນັ່ງໃນທີ່ຄວນສ່ວນຂ້າງໜຶ່ງແລ້ວ ໄດ້ທູນຖາມພຣະຜູ້ມີພຣະພາກວ່າ:
ຂ້າແຕ່ພຣະອົງຜູ້ຈະເຣີນ! ມີທັມຈັກຢ່າງໜໍ ເມື່ອບັງເກີດຂຶ້ນໃນພາຍໃນບຸຣຸດ ຍ່ອມບັງເກີດຂຶ້ນເພື່ອຄວາມບໍ່ເປັນປະໂຫຍດ ເພື່ອຄວາມທຸກຂ໌ ເພື່ອຄວາມຢູ່ບໍ່ຜາສຸກ.
ມະຫາຣາຊ! ທັມ 3 ຢ່າງແລ ເມື່ອບັງເກີດຂຶ້ນໃນພາຍໃນບຸຣຸດ ຍ່ອມບັງເກີດຂຶ້ນເພື່ອຄວາມບໍ່ເປັນປະໂຫຍດ (ອະຫິຕາຍະ) ເພື່ອຄວາມທຸກຂ໌ (ທຸກຂາຍະ) ເພື່ອຄວາມຢູ່ບໍ່ຜາສຸກ (ອະຜາສຸວິຫາຣາຍະ).
ທັມ 3 ຢ່າງເປັນແນວໃດ? ທັມ 3 ຢ່າງຄື:
ມະຫາຣາຊ! ໂລພະ ເມື່ອບັງເກີດຂຶ້ນໃນພາຍໃນບຸຣຸສ ຍ່ອມບັງເກີດຂຶ້ນເພື່ອຄວາມບໍ່ເປັນປະໂຫຍດ ເພື່ອຄວາມທຸກຂ໌ ເພື່ອຄວາມຢູ່ບໍ່ຜາສຸກ.
ມະຫາຣາຊ! ໂທສະ ເມື່ອບັງເກີດຂຶ້ນໃນພາຍໃນບຸຣຸສ ຍ່ອມບັງເກີດຂຶ້ນເພື່ອຄວາມບໍ່ເປັນປະໂຫຍດ ເພື່ອຄວາມທຸກຂ໌ ເພື່ອຄວາມຢູ່ບໍ່ຜາສຸກ.
ມະຫາຣາຊ! ໂມຫະ ເມື່ອບັງເກີດຂຶ້ນໃນພາຍໃນບຸຣຸສ ຍ່ອມບັງເກີດຂຶ້ນເພື່ອຄວາມບໍ່ເປັນປະໂຫຍດ ເພື່ອຄວາມທຸກຂ໌ ເພື່ອຄວາມຢູ່ບໍ່ຜາສຸຂ.
ມະຫາຣາຊ! ທັມ 3 ຢ່າງນີ້ແລ ເມື່ອບັງເກີດຂຶ້ນໃນພາຍໃນບຸຣຸດ ຍ່ອມບັງເກີດຂຶ້ນເພື່ອຄວາມບໍ່ເປັນປະໂຫຍດ ເພື່ອຄວາມທຸກຂ໌ ເພື່ອຄວາມຢູ່ບໍ່ຜາສຸກ.
ໂລພະ ໂທສະ ໂມຫະ ທີ່ເກີດຂຶ້ນໃນຕົນຍ່ອມບຽດບຽນບຸກຄົນຜູ້ໃຈບາບ ເໝືອນຜົນຂອງຕົ້ນຍ່ອມບຽດບຽນຕົ້ນໄຜ່ (ຕະຈະສາຣັງວະ) ສັນນັ້ນ.
........................................................
ສຸຕຕັນຕະປິດົກ ສັງຍຸຕຕະນິກາຍ ສະຄາຖະວັຄ ໑໕/໘໘-໘໙/໓໒໘-໓໓໐
Comments
Post a Comment