ການເວົ້າທີ່ເປັນເຫດໃຫ້ໄປສູ່ນະຣົກ
ພິກຂຸທັງຫລາຍ! ບຸກຄົນຜູ້ປະກອບດ້ວຍທັມ 4 ປະການ ຍ່ອມເກີດໃນນະຣົກເໝືອນຖືກນຳມາໂຍນລົງ; ທັມ 4 ປະການເປັນແນວໃດ? ຄື:
ເປັນຜູ້ເວົ້າຕົວະ,
ເປັນຜູ້ເວົ້າສຽດສີ,
ເປັນຜູ້ເວົ້າຄຳຫຍາບ,
ເປັນຜູ້ເວົ້າຄຳທີ່ບໍ່ປະກອບດ້ວຍປະໂຫຍດ.
ພິກຂຸທັງຫລາຍ! ບຸກຄົນຜູ້ປະກອບດ້ວຍທັມ 4 ປະການນີ້ແລ ຍ່ອມເກີດໃນນະຣົກເໝືອນຖືກນຳມາໂຍນລົງ.
ພິກຂຸທັງຫລາຍ! ບຸກຄົນຜູ້ປະກອບດ້ວຍທັມ 4 ປະການ ຍ່ອມເກີດໃນສະຫວັນເໝືອນຖືກເຊີນມາ; ທັມ 4 ປະການເປັນແນວໃດ? ຄື:
ເປັນຜູ້ງົດເວັ້ນຈາກການເວົ້າຕົວະ,
ເປັນຜູ້ງົດເວັ້ນຈາກການເວົ້າສຽດສີ,
ເປັນຜູ້ງົດເວັ້ນຈາກການເວົ້າຄຳຫຍາບ,
ເປັນຜູ້ງົດເວັ້ນຈາກການເວົ້າຄຳທີ່ບໍ່ປະກອບດ້ວຍປະໂຫຍດ.
ພິກຂຸທັງຫລາຍ! ບຸກຄົນຜູ້ປະກອບດ້ວຍທັມ 4 ປະການນີ້ແລ ຍ່ອມເກີດໃນສະຫວັນເໝືອນຖືກເຊີນມາ.
.....................................................................
ສຸຕຕັນຕະປິດົກ ອັງຄຸຕຕະຣະນິກາຍ ຈະຕຸກກະນິບາຕ ໒໑/໘໓/໘໒
Comments
Post a Comment