ສິ່ງທີ່ຕ້ອງຮູ້ກ່ຽວກັບກຳ “ກັມ”
1) ລາຍລະອຽດທີ່ບຸຄຄົນຄວນຮູ້ກ່ຽວກັບເລື່ອງກັມ
ພິກຂຸທັງຫລາຍ!
* ກັມ ເປັນສິ່ງທີ່ບຸກຄົນຄວນຮູ້,
* ເຫດເປັນເເດນເກີດເເຫ່ງກັມ(ນິທານະສັມພະວະແຫ່ງກັມ) ເປັນສິ່ງທີ່ບຸກຄົນຄວນຮູ້,
* ຄວາມມີປະມານຕ່າງໆເເຫ່ງກັມ(ເວມັຕຕະຕາແຫ່ງກັມ) ເປັນສິ່ງທີ່ບຸຄຄົນຄວນຮູ້,
* ຜົນຂອງກັມ(ວິບາກກະແຫ່ງກັມ) ເປັນສິ່ງທີ່ບຸກຄົນຄວນຮູ້,
* ຄວາມດັບເເຫ່ງກັມ(ກັມມະນິໂຣທ) ເປັນສິ່ງທີ່ບຸກຄົນຄວນຮູ້,
* ຂໍ້ປະຕິບັດໃຫ້ເຖິງຄວາມດັບບໍ່ເຫຼືອເເຫ່ງກັມ(ກັມມະນິໂຣທຄາມິນີປະຕິປທາ) ເປັນສິ່ງທີ່ບຸກຄົນຄວນຮູ້....
- ຄຳທີ່ເຮົາກ່າວແລ້ວດັ່ງນີ້ນັ້ນ ເຮົາອາສັຍຫຍັງກ່າວ ?
ພິກຂຸທັງຫລາຍ! ເຮົາກ່າວເຈດຕະນາວ່າເປັນກັມເພາະວ່າບຸກຄົນ ເຈດຕະນາແລ້ວ ຍ່ອມກະທຳຊຶ່ງກັມ
*ດ້ວຍກາຍ
*ດ້ວຍວາຈາ
*ດ້ວຍໃຈ.
ພິກຂຸທັງຫລາຍ! ນິທານະສັມພະວະ(ເຫດເປັນແດນເກິດພ້ອມ) ແຫ່ງກັມທັງຫລາຍ ເປັນຢ່າງໃດ ?
ພິກຂຸທັງຫລາຍ! ນິທານະສັມພະວະແຫ່ງກັມທັງຫລາຍ ຄື 'ຜັດສະ(ການກະທົບ).'
ພິກຂຸທັງຫລາຍ! ເວມັຕຕະຕາ(ຄວາມມີປະມານຕ່າງໆ)
ແຫ່ງກັມທັງຫລາຍ ເປັນຢ່າງໃດ ?
ພິກຂຸທັງຫລາຍ!
- ກັມທີ່ເຮັດສັດຕະໃຫ້ສະເວີຍເວທະນາ
ໃນນະຣົກມີຢູ່,
- ກັມທີ່ເຮັດສັຕໃຫ້ສະເວີຍເວທະນາໃນກຳເນິດ
ເດຣັດສານມີອຢູ່,
- ກັມທີ່ເຮັດສັຕໃຫ້ສະເວີຍເວທະນາໃນເປຣດວິໄສ
ມີຢູ່,
- ກັມທີ່ເຮັດສັດຕະໃຫ້ສະເວີຍເວທະນາໃນມະນຸດໂລກມີຢູ່,
- ກັມທີ່ເຮັດສັດຕະໃຫ້ສະເວີຍເວທະນາໃນເທວະໂລກມີຢູ່.
ພິກຂຸທັງຫລາຍ!
ນີ້ເຮົາກ່າວວ່າ ເວມັຕຕະຕາແຫ່ງກັມທັງຫລາຍ.
ພິກຂຸທັງຫລາຍ! ວິບາກ(ຜົນແຫ່ງການກະທຳ) ແຫ່ງ
ກັມທັງຫລາຍ ເປັນຢ່າງໃດ ?
ພິກຂຸທັງຫລາຍ! ເຮົາກ່າວວິບາກແຫ່ງກັມທັງຫລາຍ
ວ່າມີຢູ່ 3 ຢ່າງ ຄື:
- ວິບາກໃນທິດຖະທັມ (ຄື ທັນຄວັນ) ຫລືວ່າ
- ວິບາກກໃນອຸປະປັດຊະ (ຄື ໃນເວລາຕໍ່ມາ) ຫລືວ່າ
- ວິບາກໃນອະປະຣະປະຣິຍາຍະ (ຄືໃນເວລາຕໍ່ມາອີກ).
ພິກຂຸທັງຫລາຍ!
ນີ້ເຮົາກ່າວວ່າ ວິບາກແຫ່ງກັມທັງຫລາຍ.
ພິກຂຸທັງຫລາຍ! ກັມມະນິໂຣທ (ຄວາມດັບບໍ່ເຫຼືອ
ແຫ່ງກັມ) ເປັນຢ່າງໃດ ?
ພິກຂຸທັງຫລາຍ! ຄວາມດັບແຫ່ງກັມທັງຫຼາຍ
ຍ່ອມມີເພາະຄວາມດັບແຫ່ງ ຜັດສະ.
ພິກຂຸທັງຫລາຍ! ກັມມະນິໂຣທຄາມິນິປະຕິປະທາ
(ຂໍ້ປະຕິບັດໃຫ້ເຖິງຄວາມດັບບໍ່ເຫລືອແຫ່ງກັມ) ເປັນຢ່າງໃດ ?
ພິກຂຸທັງຫລາຍ!
ອະຣິຍະອັຕຖັງຄິກະມັກ (ອະຣິຍະມັກມີອົງແປດ) ນີ້ນັ້ນເອງ ຄື ກັມມະນິໂຣທຄາມິນິປະຕິປະທາ
ໄດ້ແກ່ສິ່ງເຫລົ້ານີ້ຄື:
* ສັມມາທິດຖິ (ຄວາມເຫັນຖຶກ)
* ສັມມາສັງກັປປະ (ຄວາມດຳຣິຖຶກ)
* ສັມມາວາຈາ (ການເວົ້າຈາຖຶກ)
* ສັມມາກັມມັນຕະ (ການເຮັດການງານຖຶກ)
* ສັມມາອາຊີວະ (ການລ້ຽງຊີວິດຖຶກ)
* ສັມາວາຍາມະ (ຄວາມພາກພຽນຖຶກ)
* ສັມມາສະຕິ (ຄວາມລະເລິກຖືກ)
* ສັມມາສະມາທິ (ຄວາມຕັ້ງໃຈໝັ້ນຖຶກ).
ພິກຂຸທັງຫລາຍ!
- ເມື່ອໃດອະຣິຍະສາວົກ ຍ່ອມຮູ້ແຈ້ງຊຶ່ງ ກັມ ຢ່າງນີ້,
- ຮູ້ແຈ້ງຊຶ່ງ ນິທານະສັມພະວະແຫ່ງກັມ ຢ່າງນີ້,
- ຮູ້ແຈ້ງຊຶ່ງ ເວມັຕຕະຕາ ແຫ່ງກັມ ຢ່າງນີ້,
- ຮູ້ແຈ້ງຊຶ່ງ ວິບາກແຫ່ງກັມ ຢ່າງນີ້,
- ຮູ້ແຈ້ງຊຶ່ງ ກັມມະນິໂຣທຢ່າງນີ້,
- ຮູ້ແຈ້ງຊຶ່ງ ກັມມະນິໂຣທຄາມິນີປະຕິປະທາຢ່າງນີ້;
ອະຣິຍະສາວົກນັ້ນ ຍ່ອມຮູ້ແຈ້ງຊຶ່ງພຣົມມະຈັນນີ້ວ່າ:
ເປັນເຄື່ອງເຈາະແທງກິເລດ ເປັນທີ່ດັບບໍ່ເຫລືອແຫ່ງກັມ.
ພິກຂຸທັງຫລາຍ!
- ຂໍ້ທີ່ເຮົາກ່າວແລ້ວວ່າ 'ກັມ' ເປັນສິ່ງທີ່ບຸກຄົນຄວນຮູ້
- ນິທານະສັມພະວະແຫ່ງກັມ ເປັນສິ່ງທີ່ບຸຄຄົນຄວນຮູ້,
- ເວມັຕຕະຕາ ແຫ່ງກັມ ເປັນສິ່ງທີ່ບຸຄຄົນຄວນຮູ້,
- ວິບາກແຫ່ງກັມ ເປັນສິ່ງທີ່ບຸຄຄົນຄວນຮູ້,
- ກັມມະນິໂຣທ ເປັນສິ່ງທີ່ບຸຄຄົນຄວນຮູ້,
- ກັມມະນິໂຣທຄາມິນິປະຕິປະທາເປັນສິ່ງທີ່ບຸຄຄົນຄວນຮູ້,
ດັ່ງນີ້ນັ້ນ ເຮົາອາໄສຄວາມຂໍ້ນີ້ກ່າວແລ້ວ.
..............................................................................................
- ສົກ ກ. ອົ້. ໒໒/໔໕໘, ໔໖໓-໔໖໔/໓໓໔.
Comments
Post a Comment