ບຸກຄົນ 4 ຈຳພວກ
ພິກຂຸທັງຫລາຍ ! ບຸກຄົນ 4 ຈຳພວກນີ້ມີປາກົດຢູ່ໃນໂລກ, 4 ຈຳພວກເປັນແນວໃດ ? ຄື:
* ບຸກຄົນຜູ້ບໍ່ປະຕິບັດເພື່ອປະໂຫຍດຕົນ ແລະ ບໍ່ປະຕິບັດເພື່ອປະໂຫຍດຜູ້ອື່ນຈຳພວກ ໑
* ບຸກຄົນຜູ້ປະຕິບັດເພື່ອປະໂຫຍດຜູ້ອື່ນ, ແຕ່ບໍ່ປະຕິບັດເພື່ອປະໂຫຍດຕົນຈຳພວກ ໑
* ບຸກຄົນຜູ້ປະຕິບັດເພື່ອປະໂຫຍດຕົນ, ແຕ່ບໍ່ປະຕິບັດເພື່ອປະໂຫຍດຜູ້ອື່ນຈຳພວກ ໑
* ບຸກຄົນຜູ້ປະຕິບັດທັງເພື່ອປະໂຫຍດຕົນທັງເພື່ອປະໂຫຍດຜູ້ອື່ນຈຳພວກ ໑
ພິກຂຸທັງຫລາຍ ! ທ່ອນໄມ້ທີ່ຖິ້ມຢູ່ໃນປ່າຊ້າ ໄຟເຜົາທັງສອງຂ້າງ ທາງກາງກໍເປື້ອນຄູດ ຍ່ອມຫາປະໂຫຍດບໍ່ໄດ້ທີ່ຈະນຳມາເປັນເຄື່ອງໄມ້ໃນບ້ານ ທັງບໍ່ມີປະໂຫຍດແກ່ເຄື່ອງໄມ້ໃນປ່າເຊັ່ນໃດ, ເຮົາກ່າວບຸກຄົນຜູ້ປະຕິບັດເພື່ອປະໂຫຍດຕົນ ແລະ ບໍ່ປະຕິບັດເພື່ອປະໂຫຍດຜູ້ອື່ນເຊັ່ນນັ້ນເໝືອນກັນ.
ພິກຂຸທັງຫລາຍ ! ໃນບັນດາບຸກຄົນເຫລົ່ານັ້ນ ບັນດາບຸກຄົນ 2 ຈຳພວກນີ້ ຄື ບຸກຄົນຜູ້ບໍ່ປະຕິບັດເພື່ອປະໂຫຍດຜູ້ອື່ນ ແຕ່ບໍ່ປະຕິບັດເພື່ອປະໂຫຍດຕົນ ບຸກຄົນຜູ້ປະຕິບັດເພື່ອປະໂຫຍດຜູ້ອື່ນ ແຕ່ບໍ່ປະຕິບັດເພື່ອປະໂຫຍດຕົນເປັນຜູ້ງາມກວ່າ ແລະ ປານີດກວ່າ.
ບັນດາບຸກຄົນ 3 ຈຳພວກ ຄື ບຸກຄົນຜູ້ບໍ່ປະຕິບັດເພື່ອປະໂຫຍດຕົນ ແລະ ບໍ່ປະຕິບັດເພື່ອປະໂຫຍດຜູ້ອື່ນ ກັບບຸກຄົນຜູ້ປະຕິບັດເພື່ອປະໂຫຍດຜູ້ອື່ນ ແຕ່ບໍ່ປະຕິບັດເພື່ອປະໂຫຍດຕົນ ແລະ ບຸກຄົນຜູ້ປະຕິບັດເພື່ອປະໂຫຍດຕົນ ແຕ່ບໍ່ປະຕິບັດ ເພື່ອປະໂຫຍດຜູ້ອື່ນ,
* ບຸກຄົນຜູ້ປະຕິບັດເພື່ອປະໂຫຍດຕົນ ແຕ່ບໍ່ປະຕິບັດເພື່ອປະໂຫຍດຜູ້ອື່ນນີ້ເປັນຜູ້ງາມກວ່າ ແລະ ປານີດກວ່າ.
* ບັນດາບຸກຄົນ 4, ຈໍາພວກນີ້, ບຸກຄົນຜູ້ປະຕິບັດທັງເພື່ອປະໂຫຍດຕົນທັງເພື່ອປະໂຫຍດຜູ້ອື່ນເປັນຜູ້ເລີດ , ເປັນຜູ້ປະເສີດ, ເປັນປະທານ, ເປັນຜູ້ສູງສຸດ.
ພິກຂຸທັງຫລາຍ ! ນົມສົດເກີດຈາກແມ່ງົວ ນົມສົ້ມເກີດຈາກນົມສົດ ເນີຍຂຸ້ນເກີດຈາກນົມສົ້ມ ເນີຍໃສເກີດຈາກເນີຍຂຸ້ນ ຫົວເນີຍໃສເກີດຈາກເນີຍໃສ ຫົວເນີຍໃສຊາວໂລກກ່າວວ່າເປັນເລີດໃນບັນດານົມສົດເຫລົ່ານັ້ນ ເຊັ່ນໃດ, ບັນດາບຸກຄົນ 4 ຈຳພວກນີ້ ບຸກຄົນຜູ້ປະຕິບັດທັງເພື່ອປະໂຫຍດຕົນທັງເພື່ອປະໂຫຍດຜູ້ອື່ນເປັນຜູ້ເລີດ ເປັນຜູ້ປະເສີດ ເປັນປະທານ ເປັນຜູ້ສູງສຸດ.
ພິກຂຸທັງຫລາຍ ! ບຸກຄົນ 4 ຈຳພວກນີ້ແລ ມີປາກົດຢູ່ໃນໂລກ.
................................................................................................
-ສຸຕຕັນຕະປິດົກ ອັງຄຸຕຕະຣະນິກາຍ ຈະຕຸກກະນິບາຕ ໒໑/໙໕-໙໖/໙໕.
Comments
Post a Comment